१३औं दक्षिण एसियाली खेलकुद (साग) मा गौरिका सिंहले पौडीमा ऐतिहासिक स्वर्ण हात पारेकी छन्।
उनले २ सय मिटर फ्रीस्टायलमा स्वर्ण जितेकी हुन्। उनले भारतकी सुभांगी सिंहलाई पछि पार्दै स्वर्ण हात पारेकी हुन्।
उनले निर्धारित दूरी २ मिनेट ०५.०६ सेकेन्डमा पौडिइन्। यसअघि नेपालले १९९९ मा टिम रिलेमा स्वर्ण जितेको थियो। नेपालले साग इतिहासमा पौडीमा २० वर्षपछि स्वर्ण जितेको हो।
गौरिकाले सन् २०१६ मा भारतमा भएको १२औं सागमा रजत र कास्य पदक जितेकी थिइन्।
कप्तान ज्ञानेन्द्र मल्लले भुटान विरुद्ध शतक प्रहार गरेका छन् । उनले आफ्नो शतक दुई महिनाकी छोरीलाई समर्पित गरे ।
फोटो @cricketing Nepal/ Kaushal Adhikari
नेपाली राष्ट्रिय टोलीका कप्तान ज्ञानेन्द्र मल्लले १३औं दक्षिण एसियाली खेलकुद (साग) अन्तर्गत भुटान बिरुद्धको खेलमा शतक प्रहार गरे पछि आफ्नो शतक छोरीलाई समर्पण गरेको बताएका छन् ।
त्रिवि क्रिकेट मैदानमा भुटानले टस जितेर पहिले फिल्डिङ्ग गर्ने निर्णय लिएपछि पारस र ज्ञानेन्द्रले पहिलो विकेटका लागि १०८ रनको साझेदारी गरेका थिए । यसअघि ज्ञानेन्द्र र प्रदिप ऐरिले नेपालका लागि ट्वान्टी ट्वान्टी अन्तर्राष्ट्रियमा पहिलो विकेटका लागि ६६ रनको साझेदारी गरेका थिए ।
उनीहरुले जुलाईमा सिँगापुरमा भएको आईसिसि ट्वान्टी ट्वान्टी बिश्वकप क्वालिफायर एसियामा मलेसियाबिरुद्ध उक्त किर्तिमान राखेका थिए । २८ बलमा ५७ रन बनाई आउट भएका पारसले २२ बलमै अद्र्धशतक पुरा गरेका थिए । उनले ९ चौका र एक छक्का प्रहार गरेका थिए ।
१३औं दक्षिण एसियाली खेलुकद (साग) अन्तर्गत नेपालले महिला भलिबलमा ऐतिहासिक स्वर्ण जित्नबाट चुकेको छ।
मंगलबार भएको फाइनल भिडन्तमा भारतसँग अन्तिम समयमा चुकेपछि नेपाल रजतमा सीमित बन्यो।
पहिलो सेट गुमाए पनि नेपालले दोस्रो र तेस्रो सेट जितेर अग्रता लिएको थियो। तर चौथो र पाँचौ सेटमा नेपाली टिम पछि पर्यो।
स्वर्ण नजिक पुगेर चुकेपछि नेपाली खेलाडी आँशु थाम्न सकेनन्। अधिकांस खेलाडी भावुक बनेपछि खेल पदाधिकारी आएर सम्हाल्नु परेको थियो।
प्रतिस्पर्धात्मक खेलमा पहिलो सेट भारतले २५-१७ ले जितेको थियो। त्यसको लगत्तै दोस्रो र तेस्रो सेट नेपालले क्रमशः २५-२४ र २५-२१ ले जित्न सफल भयो। प्रतिस्पर्धात्मक चौथो सेट भने भारतको आफ्नो पक्षमा पार्न सक्यो। भारतले २५-२० को जित निकाल्यो। पाँचौ सेट भारतले जित्दै स्वर्ण पदक आफ्नो पक्षमा पार्यो।नेपाललाई रजत पदमा रोकिदियो।
तरपनि नेपाली भलिबलको इतिहासमा यो पहिलो साग रजत पदक हो।
photo :- Setopati.com
काठमाडौँ — कराँतेको ८४ केजी प्लस कुमुतेमा नेपालका विप्लवलाल श्रेष्ठले स्वर्ण जितेका छन् । उनले पाकिस्तानका मोहम्माज बाजलाई ६-५ ले हराउँदै नेपालको लागि कराँतेमा पाँचौं स्वर्ण दिलाएका हुन् ।
काठमाडौँ — १३ औं साग खेल अन्तर्गत तेक्वान्दोको पोम्सेतर्फ महिला एकलको २३-२९ वर्ष उमेर समुहमा नेपालकी पार्वती गुरुङले स्वर्ण जितेकी छिन् । यसमा श्रीलंकाले रजत जितेको छ ।पार्वतीले यस खेलमा ८.२५० अंक प्राप्त गर्दै स्वर्ण जितेकी हुन् भने रजतमा चित्त बुझाउन बाध्य भएकी श्रीलंकाकी थिलकसिका जयाविराले ८.१४० अंक प्राप्त गरेकी थिइन् ।यस्तै कास्य पदक भने भारतको पोल्टोमा रह्यो । भारतकी हर्षा सिंहाले ८.०३० अंक मात्रै प्राप्त गर्न सफल भइन् ।
पोखरा — माल्दिभ्स विरुद्धको महिला क्रिकेटमा नेपालले चारवटा नयाँ कीर्तिमान बनाएको छ । १३ औं सागको पहिलो खेलमा नेपाली बलर अञ्जली चन्दले दुई ओभरमा एक रन पनि नदिइ ६ विकेट लिएकी छन् । आयोजक नेपालले पहिलो खेलमा माल्दिभ्समाथि १० विकेटको ठूलो जित निकाल्दा पोखराको मैदानमा अन्तर्राष्ट्रिय डेब्युमै कीर्तिमान बनाउन अञ्जली सफल भएकी हुन् ।
यो टी–ट्वान्टीमा कीर्तिमान भएको नेपाली प्रशिक्षक जगतबहादुर टमटाले दाबी गरे । त्यस्तै माल्दिभ्सका ९ खेलाडी शुन्य रनमै आउट भएकोपनि अर्को कीर्तिमान भएको टमटा बताउँछन् । १६ रनमा अलआउट गर्नु अर्को कीर्तिमान हो भने मात्रै ५ बलमा जित हाँसिल गर्नुपनि अर्को कीर्तिमान भएको टमटाको दावी छ ।
टस जितेर ब्याटिङ रोजेको माल्दिभ्स १०.१ ओभरमा १६ रनमै समेटिएको थियो । ७ रनमा पहिलो विकेट गुमाएको माल्दिभ्सले ११ रनमा दोस्रो र तेस्रो, १५ रनमा चौंथो, पाँचौं, छैठौं र सातौं तथा १६ रनमा बाँकी विकेट गुमाएको थियो । माल्दिभ्सको पारीमा हम्जा नियाजले ९ तथा हाफ्सा अब्दुल्लाहले ४ रन जोडिन् । बाँकी सबै खेलाडी शुन्यमै आउट भए । नेपालले अतिरिक्त ३ रन दिएको थियो ।
जितका लागि १७ रनको लक्ष्य सहित मैदान उत्रिएको नेपालले पहिलो ओभरमै विजयी लक्ष्य पार गर्यो । मात्रै ५ बलको सामना गरेकी काजल श्रेष्ठले ३ चौका प्रहार गर्दै अविजित १३ रन जोडिन् । पाँच बल फालेकी माल्दिभ्सकी बलर समा अलिले ४ अतिरिक्त रन दिएपछि नन्स्ट्र्राइकमा रहेकी सीता मगरले एक बलपनि सामना गर्नु परेन ।
२.१ ओभरमा २ मेडन सहित बिना रन ६ विकेट लिएकी अञ्जली चन्द उमन अफ द म्याच भइन् । करुणा भण्डारीले २ ओभरमा २ विकेट लिइन् । उनले १ मेडन राख्दै ४ रन खर्चिएकी थिइन् ।
जित पछि नेपाली टिमका कप्तान रुबिना क्षेत्री बेलबासेले प्रतियोगितामा राम्रो सुरुआत गर्न सकेकोमा खुसी व्यक्त गरिन् । साथै यही प्रतियोगिताका लागि आफूहरुले लामो समयदेखि मिहिनेत गरेको बताउँदै नेपाली महिला क्रिकेट टिमले केही गरी देखाउने अवसरका रुपमा यो प्रतियोगितालाई लिएको उनले बताइन् ।
माल्दिभ्सका कप्तान जुना मारियाले नेपाल बलियो टिम भएको बताइन् । पहिलो अन्तर्राष्ट्रिय खेल भएका कारण उत्कृष्ट प्रदर्शन गर्न नसकेपनि अनुभव बटुल्ने अवसर पाएको उनले बताइन् । प्रतियोगिता अन्तर्गत मंगलबार श्रीलंका र बंगलादेशबीच प्रतिस्पर्धा हुनेछ । नेपालले बुधबार बंगलादेशसँग खेल्ने छ ।
साग खेलकुदको मार्चपासमा रास्ट्रय झन्डा बोक्ने जिम्मेवारी पारस खडकाले पाएका छन ।
२०१४ मा नेपाल पहिलो पल्ट ट-२० विश्वकप खेलेको थ्यो त्यती बेला पारस खडका नै नेपाल क्रीकेटको कप्टान हुनुहुन्थ्यो !
उन्ले २००४ देखी नै नेपाल क्रीकेट सँग आब्द छन उनको योगदानको उचित कदर भएकै हो। डिविजन ५ देखी नेपाल टोली लाई ओडिई नेशन बनाउन उहाको ठुलो भूमिका रहेको छ !
भारतीया टेक्सि ड्राइभरले अष्ट्रेलियामा पाकिस्तानी खेलाडी सँग भाडा नलिए पछी पाकिस्तानी खेलाडीले आफु सँग खाना खान निम्तो गरे !
काठमाडौं । भुटानमा कुवेतसँग विश्वकप छनोट खेल खेल्नुअघि अनुशासनको कारबाहीमा परेका नेपालका चार फुटबल खेलाडीलाई १३ औं दक्षिण एसियाली खेलकुद (साग) मा पनि प्रतिबन्ध गरिने भएको छ ।
यी चार खेलाडीलाई दुई बर्षसम्म प्रतिबन्ध कारबाही हुनसक्ने समेत श्रोतले बतायो । यी खेलाडी विनै भुटानमा कुवेतसँग नेपाली टोलीले राम्रो खेलेको पनि एन्फा श्रोतले जनाएको छ ।
तटस्थ भेन्यु भुटानमा भएको विश्वकप छनोटको दोस्रो खेलमा नेपाल कुवेतसँग १–० गोलले पराजित भएको थियो ।
यसअघि कुवेतमा खेलिएको पहिलो खेलमा भने नेपालले कुवेतसँग ७–० गोलको अप्रत्यासित हार खेपेको थियो । पछिल्लो समय नेपाली खेलाडीको अप्रत्यासित नतिजालाई लिएर पनि भित्रभित्रै अनुसन्धान भईरहेको बताइएको छ ।
आबुधावीमा जारी टी १० क्रिकेट लिगमा अहिले नेपाली दुई खेलाडी पारस खड्का र सन्दिप लामिछानको टिम विच प्रतिस्पर्धा भइरहेको छ । पारसको टिम आबुधावी र सन्दिपको टिम कर्नाटका विचको खेलमा टिम आबुधावीले टस जितेर पहिले ब्याटिङ गर्ने भएकाे छ ।
वीरगंज,२३ कार्तिक २०७५
वीरगंज महानगरपालिका वडा नम्बर १७ अलौका आगलागी पिडित सन्त महतोको परिवारलाइ पर्सा क्षेत्र नं.१ का सांसद प्रदिप यादवले आज राहत सामाग्री वितरण गर्नुभएको छ ।
पिडित महतोको घरमा पुगी संघिय सामाजबादी फोरम नेपालका पर्सा जिल्ला अध्यक्ष समेत रहेका सांसद यादवले राहत स्वरुप चामल , दाल ,लता कपडा र त्रिपाल लगायतका राहत सामाग्री वितरण गर्नुभएको हो । राहत वितरण गर्न पुगेका सांसद सांसद यादवले महतोको घर बनाउन पहल समेत गर्ने आश्वासन दिनुभएको हो ।
राहत वितरण कार्यक्रममा संघिय सामाजबादी फोरम नेपाल पर्साका जिल्ला सह ईन्चार्ज रामनरेश यादव ,जिल्ला सदस्य तबरेज अहम्द , असलम आलम , सामाजबादी युवा फोरमका केन्द्रिय सचिवालय सदस्य सरोज यादव लगायतको उपस्थिति रहेको थियो । यस्तै आगलागी पिडित महतोे परिवारलाइ सामाजिक अभियन्ता बृजेश्वर चौधरीले आज नयाँ कपडालत्ता सहयोग गर्नु भएको छ ।
आगलागीमा महत्तोको घरमा रहेका खाद्यान्न ,लता कपड़ा ,साइकल , काठका फर्निचर लगायतका सामान जलेर नष्ट भएपछि बिचल्लीमा परेको महत्तोको परिवारलाइ आज चौधरीले २० थान नया लता कपडा हस्तान्तरण गर्नु भएको हो । महत्तोको घरमा अस्ति दिपावलीका राति आगलागी भएको थियो ।
वीरगंज,२३ कार्तिक
प्रदेश नं.२ का मुख्यमन्त्री लालबाबु राउत गदीले पर्सा क्षेत्र नं.१ को विभिन्न ठाउमा पर्ने सडक , विद्यालय , धर्मशाला , स्वास्थ्य चौकी लगायत विभिन्न ठाउको अवलोकन भ्रमण गर्नुभएको छ ।
पर्सा क्षेत्र नं.१ का सांसद प्रदिप यादवको विशेष आग्रहमा प्रदेश सरकारको सहयोगबाट क्षेत्र नं.१ को विकासको लागि संभावित ठाउको अवलोकन गर्नुभएको सांसद यादवले जानकारी दिनुभयो । मुख्यमन्त्री राउतले पर्सा क्षेत्र नं. १ को भवानीपुरको विद्यालय र पोखरीको अवलोकन गर्नुभयो भने हरपतगंजको अपौनीमा रहेको खेल मैदानको अवलोकन गर्नुभयो ।
अवलोकन पश्चात मुख्यमन्त्री राउतले निकट भविष्यमा विद्यालयको भौतिक पुर्वाधार र पोखरीको डिललाई छठघाट बनाउन र खेल मैदानको लागि बजेट बिनियोजन गरी सहयोग गर्ने आश्वासन दिनुभयो । मुख्यमन्त्री राउतले मधेश आन्दोलनका सहिद दिलिप चौरसियाको घरमा पुगी पारिवारीक अवस्थाको बारेमा पनि बसझनुभएको थियो ।
अवलोकन कार्यक्रममा सांसद प्रदिप यादव , प्रदेशसभा सदस्य जन्नत अंसारी संघिय सामाजबादी फोरम नेपाल पर्साका जिल्ला सह ईन्चार्ज रामनरेश यादव ,जिल्ला सदस्य तबरेज अहम्द , असलम आलम , सामाजबादी युवा फोरमका केन्द्रिय सचिवालय सदस्य सरोज यादव लगायतको सहभागिता रहेको थियो ।
नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
@2024 – All Right Reserved. Designed and Developed by Ads Bee Media Pvt. Ltd.
