बिहीबार राति उनले आफ्नो मुटुमा असहज महशुस गरेपछि अस्पताल लगिएको हो।
उनलाई उपचारका लागि त्रिवि शिक्षण अस्पतालस्थित मनमोहन कार्डियो थोरासिक भास्कुलर तथा ट्रान्सफ्लान्ट सेन्टर भर्ना गरिएको छ !
विश्व व्यापी रुपमा फैलिएको COVID-19 (कोरोना भाइरस) को महामारी दिनदिनै बढदै गइरहेको सबैमा सर्वविदितै छ, सो नियण्त्रणको लागी नेपाल सरकारको निर्णय अनुसार जारी गरिएको लक डाउनको समयमा हुन सक्ने कालोबजारी नियन्त्रणको निमित्त जि.प्र.का. पर्साबाट अनुगमनको लागी खटिएको प्रहरी टोलीले मिति २०७६।१२।१३ गते वेलुका अं.२०:३० बजेको समयमा जि.पर्सा, वीरगंज म.न.पा.वडा नं.१ छप्कैया स्थितबाट ऐ.ऐ.स्थान वस्ने अं.वर्ष ५० को जगनारायण पटेलले बजार मुल्य भन्दा दोब्बर, तेवर मुल्यमा आलु र प्याज प्रति के.जी रू. १००।- रुपैयाको दरले कालोबजारी गरि बेचि रहेको अवस्थामा आलु र प्याज सहित निजलाई नियन्त्रणमा लिई यस का.मा ल्याई थप अनुसन्धान कार्य भई रहेको ।
वीरगञ्जकी मुस्कानमाथी एसिड प्रहार गर्ने समसाद मिया साधारण तारेखमा रिहा
वीरगञ्जकी मुस्कान खातुनमाथी तेजाब प्रहार गर्ने अभियुक्तमध्येका एक समसाद मियालाई जिल्ला अदालत, पर्साले साधारण तारेखमा रिहा गरेको छ। वैशाख १४ गते पुनः अदालतमा हाजिर हुने गरि मियाका आमा हसिना खातुनले रिहा गराएका हुन्।
ज्यान मार्ने उद्योग तथा तेजाव छर्की कुरुप पारेको मुद्दामा बाल सुधार गृहमा रहेका आरोपी मियालाई बोलाएको समयमा उपस्थित हुने गरी हाजिरमा परिवारको जिम्मा लगाएको अदालत स्रोतले बिएल नेपाली सेवालाई जानकारी दिएको छ।
यता मजिद मियाको विषयमा छोड्ने कि नछोड्ने विषयमा बहस भइरहेको स्रोतले बताएको छ। सर्वोच्च अदालतको चैत ७ गतेको पूर्ण बैठकले कोरोना सङ्क्रमितको विपद् व्यवस्थापनको लागि अपनाउनुपर्ने सतर्कता अनुरुप बालगृहमा रहेका विचाराधीन मुद्दा र सजाय खेपिरहेका बालबालिकाहरुलाई मुद्दा फैसला नगरी आपतकालीन अवस्थामा परिवारको जिम्मा लगाउनुपर्ने निर्देशनअनुसार मियालाई अदालतले तारेखमा थुनामुक्त गरेको हो।
यता पीडित बालिका मुस्कान उपचारको क्रममा काठमाडौंमा रहेको बेला अभियुक्त छोड्नु गलत भएको नगरवासीको टिप्पणी छ।
यस्तो थियो घटना
भदौ २० गते बिहान छपकैया निवासी मुस्कानमाथि गणेशमान चोकमा समसाद र मजिद मियाले एसिड प्रहार गरेका थिए। मुस्कानका बुवा रसुल अन्सारीकाअनुसार सोही गाउँका स्थानीय युवा माबिद आलमले ६ महिना अघि मुस्कानलाई जिस्काएका थिए। जुन कुराको जानकारी मुस्कानले आफुलाई दिएको अन्सारीले बताए। आफ्नो छोरीमाथि भएको दुरव्यवहारलाई रोक्न बुवा रसुलले माजिदलाई हप्काएका थिए। सोहि रिसिबिका कारण माजिदले मुस्कानमाथि साथी समसादको सहयोगमा एसिड प्रहार गरेका थिए।
मुस्कानको अनुहारको दायाँ भागको छाति तथा हाथ एसिडले जलेको छ। त्रिभुवन माविको कक्षा ९ मा अध्ययनरत मुस्कानमाथि एसिड आक्रमण भएपछि हालसम्म काठमाडौंमा उपचारर्थ भर्ना छिन्। हात, मुख, कान बिग्रिएको छ।
नारायणी अस्पतालमा उपचार हुन नसकेर उनलाई काठमाडौंको कीर्तिपुर अस्पतालमा रेफर गरिएको थियो। करीब २४ घण्टा अचेत अवस्थामा रहेकी मुस्कानलाई होस आएपछि उनको मुखमा यति मात्र भनाई थियो,‘ममाथि एसिड प्रहार गर्ने दोषीलाई फाँसीको सजाय हुनुपर्छ। उनीहरुलाई घण्टाघरमा झुण्ड्याएर मारियोस्। मलाई जस्तो अरुलाई नहोस्।’ आज पनि उनी न्यायको गुहार लगाउदै छिन्। आमा र बुवाको माग पनि दोषिलाई फाँसी होस् भन्ने छ।
मुस्कानले आफुमाथि एसिड प्रहार गर्नेलाई फासीको माग गरेपछि देशैभरि उनकाे सर्थनमा जुलुस/प्रदर्शन भएको थियो। परिवारको आर्थिकस्थिति कमजोर भएका कारण सङ्घ र प्रदेश सरकारले पनि मुस्कानको उपचारमा सहयोग गरेको थियो। भारतीय कलाकारहरुले समेत मुस्कानको बारेमा चासो लिएका थिए।
छोरीको उपचार गराउने क्रममा मुस्कानका बुवनआमाले काम गर्न सकेका छैनन्। प्रदेश सरकार, महानगर तथा बिभिन्न संघ-सस्थाको सहयोगमा पाएको रकमबाट अहिले उनीहरु आफ्नो छोरीको उपचार गराइरहेका छन्। यता आरोपी छुटेको खबरबाट न्यायको खोजिमा विभिन्न निकायमा भौतारीरहेका पीडित मुस्कान लगायत उनका आमाबुवालाई यस बारेमा केही जानकारी छैन।via :- Prahardaily
११ चैत, चितवन । भरतपुरस्थित कोरोना विषेश अस्पतालमा उपचाररत एक युवकको मृत्यु भएको छ । उनको आज मंगलबार विहान ७ बजे उपचारका क्रममा मृत्यु भएको अस्पतालका उच्च अधिकारीले अनलाइनखबरलाई जानकारी दिए ।
उच्च ज्वरो र रुघाखोकीले ग्रसित बनेका वीरगञ्जका ३० बर्षका युवकको मृत्यु भएको हो । उनको शव अस्पतालमै राखिएको छ । उनलाई चितवन मेडिकल कलेजबाट रिफर गरेर केही दिन अघि कोरोना बिषेश अस्पतालमा पठाइएको थियो ।
उनीलाई कोरोना भएको आशंकामा आइसोलेसनमा राखिएको थियो, तर कोरोना संक्रमण भएनभएको रिपोर्ट आउन बाँकी छ ।
उनको स्वाबको नमुना सोमबार नै संकलन गरिएको र मंगलबार विहान विमानबाट मात्र पठाइएको अस्पताल स्रोतले जनाएको छ ।
काठमाडौँ — सरकारले भोलि मंगलबार बिहान ६ बजेदेखि लकडाउन गर्ने निर्णय गरेको छ । उपप्रधानमन्त्री तथा रक्षामन्त्री ईश्वर पोखरेलको संयोकत्वमा रहेको कोभिड-१९ संक्रमण रोकथाम तथा नियन्त्रण उच्चस्तरीय समन्वय समितिको सोमबार बसेको बैठकले देशभर लक डाउन गर्ने निर्णय गरेको हो ।
लक डाउनमा सबै हवाइसेवा बन्द हुनेछन्। सुरक्षाकर्मी, स्वास्थ्यकर्मी जस्ता अत्यावश्यक सेवामा खटिएका तथा अनुमति प्राप्त व्यक्ति र सवारी साधनबाहेकको आवतजावत रोकिनेछ।
फ्रान्सबाट काठमाडौं आएका नागरिकमा कोरोना संक्रमण पुष्टि भएको छ। १९ बर्ष महिला लाई कोरोना लागेको संक्रमण पुष्टि भएको छ।
परिवारहरु लाई क्वेरेनटाइन मा रखियो !
बर्दिया – छिमेकी देश भारतबाट लुकीछिपी नेपाल प्रवेश गरेका ७ जनालाई बर्दियाको सदरमुकाम गुलरियाबाट आइतबार राति नियन्त्रणमा लिइएको छ ।
भारतबाट गुलरिया प्रवेश गरेका ७ जनामध्ये एक जनालाई अत्याधिक ज्वरो आएपछि उनलाई बर्दिया जिल्ला अस्पतालको आइसोलेसन वार्डमा राखिएको छ ।
बाँकी ६ जनालाई गुलरियामा रहेको क्वारेन्टाइनमा पठाइएको बर्दियाका प्रमुख जिल्ला अधिकारी प्रेमलाल लामिछानेले जानकारी दिनुभयो ।
भारतसँगको सीमा नाका बन्द भएपछि लुकिछिपी प्रवेश गरेका कारण एक जनालाई आइसोलेसन र बाँकीलाई क्वारेन्टाइनमा राखिएको लामिछानेले बताउनुभयो ।
अलि बढी ज्वरो आएका बिरामीको ज्वरो बिस्तारै घट्दो क्रममा रहेको उहाँको भनाइ छ । ज्वरो नियन्त्रण नआएमा कोरोना भाइरससम्बन्धी परीक्षण गर्न नमुना काठमाण्डौ पठाइने उहाँले भन्नुभयो । अत्याधिक ज्वरो आएका बिरामी भेटिएपछि बर्दियामा उच्च सतर्कता अपनाइएको छ ।
via :- Nepal post daily
बीरगञ्ज , ९ चैत । पर्साको वीरगञ्जमा एक जनामा कोरोनाको संक्रमण भेटिएको पुष्टि भएको छ । बीरगञ्जका एक प्रतिष्ठित व्यापारीमा कोरोना भाइरसको संक्रमणको पुष्टि भएको हो ।
बिरामीलाई कोरोना भाइरसको संक्रमण भएको भारतस्थित पटना मेडिकल कलेजको पुष्टि गरेको हो ।
६ दिन अघि बिरामीलाई बीरगञ्ज हेल्थ केयर अस्पतालले पटना रिफर गरेको थियो । संक्रमित ती व्यापारीले केही दिन अघि घरमा नै बोलाएर चिकित्सकलाई देखाए पछि उनलाई बीरगञ्ज हेल्थ केयर अस्पताल लगिएको थियो ।
यता पर्साका प्रमुख जिल्ला अधिकारी विष्णुकुमार कार्कीले पनि यो विषयको पुष्टि गर्दै ती व्यापारीका परिवारलाई होम क्वारेन्टाइनमा राखिएको जानकारी दिनुभयो ।
वीरगञ्जकाका उद्योगी शिव रुगटालाई कोरोना संक्रमण भएको पटना मेडिकल कलेजको ठहर छ। वीरगञ्ज आदर्शनगर निवासी ६७ बर्षिय शिवकुमार रुगटालाई कोरोना भाईरस संक्रमण देखिएको पारिवारिक श्रोतले जनाएको छ।
भारतस्थित बिहार राज्यमा रहेकाे पटनाको पिएमसिएच अस्पतालमा उपचारत रुगटाको उपचारको क्रममा कोरोनाको संक्रमण देखिएको चिकित्सकले बताएपछि उनका परिवारलाई होम क्वारेन्टाइनमा बस्न लगाइएको पर्साका प्रमुख जिल्ला अधिकारी विष्णु कुमार कार्कीले जानकारी दिए।
रुगटाको दुवै मृगौला काम नलाग्ने भएपछि श्रीलंकामा यसअघि नै प्रत्यारोपण गरिएको थियो। रुगटा मृगौला रोगी समेत भएको बताइएको छ।
२५ दिन पहिले कलकत्ता पुगेका रुगंटा कलकत्ता हुँदै दिल्ली पुगेका थिए। वीरगञ्ज फर्केपछि गत चैत्र ३ गते ज्वरो आएपछि उपचारका लागि भारतका पटना पुगेका रुगटालाई पटना मेडिकल कलेजले आज कोरोनाको संक्रमण देखिएको पुष्टि गरेको पारिवारिक श्रोतले जनाएको छ।
आज नै पटनामा कोरोना संक्रमणबाट एक व्यक्तिले ज्यान गुमाएका छन्। पटनाकै साेही अस्पतालमा उपचाररत ती ब्यक्तिको आइतबार ज्यान गुमाएका हुन्।
काठमाडौं: कोरोना भाइरसको सम्भावित जोखिमबाट बच्न मानिसहरु राजधानी काठमाडौं छाड्ने क्रम बढ्दो छ। शनिबार सबैभन्दा धेरै २ लाख मानिसले काठमाडौं छोडेका छन्।
पछिल्लो २४ घण्टामा २ लाख ६ हजार ३ सय ३९ जना काठमाडौंबाट बाहिरिएको महानगरीय ट्राफिक प्रहरी महाशाखाले जनाएको छ। बाहिरिने गाडीको संख्या २९ हजार ७३ रहेको छ। त्यसैगरी १६ हजार ८५ गाडीबाट ४८ हजार ७२ जना काठमाडौं भित्रिएका छन्।
महाशाखा प्रमुख एसएसपी भीमप्रसाद ढकालका अनुसार लामो दुरीका सवारी चल्ने आज अन्तिम दिन भएकाले विहानैदेखि उपत्यकाबाट बाहिरिने यात्रुको चाप छ। सरकारले भोलिदेखि लामो दुरीका सबै यातायातका साधन सञ्चालनमा रोक लगाएको छ।
कोरोना संक्रमणविरुद्ध सरकारले विभिन्न कदम चालेपछि विगत एक सातायता मानिसहरु उपत्यकाबाट गाउँतिर लागेका छन्। गत बुधबारयता उपत्यकाबाट बाहिरिने संख्या ५ लाख नाघेको एसएसपी ढकालले जानकारी दिए। आज पनि गोंगबुस्थित बसपार्कमा टिकट लिन मानिसहरुको भिड छ।
via :- pahilopost
नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
@2024 – All Right Reserved. Designed and Developed by Ads Bee Media Pvt. Ltd.
