सिन्धुपाल्चोक– दोलखाको कालिन्चोक भगवतीको दर्शन गरेर फर्किदै गरेको बस सिन्धुपाल्चोकमा दुर्घटना हुँदा १२ जनाको मृत्यु भएको छ ।
बा २ ख ४४६८ नम्बरको बस लामोसाघु– जिरी सडकखण्डको पाँच किलो भन्ने ठाउँमा दुर्घटना हुँदा १२ जनाको घटनास्थलमै मृत्यु भएको हो । जिल्ला ट्राफिक प्रहरी कार्यालय सिन्धुपाल्चोकका प्रमुख सई राजेश दाहालले घटनाको पुष्टि गरे ।
सिन्धुपाल्चोकको सुनकोशी गाउँपालिका–७ स्वारा भन्ने ठाउँबाट बस ५ सय मिटर तल खसेको जनाइएको छ ।
घटनाका विषयमा विस्तृत विवरण आउन बाँकी छ ।
यस हप्ताको राशिफल (मङ्सिर २९ देखि पौष ५ गतेसम्म)
मेष
मान, सम्मान, इज्जत, प्रतिष्ठा बढ्नेछ। आर्थिक उन्नति, प्रगति होला। मङ्गल ग्रहका कारण स्वास्थ्यमा केही समस्या आउन सक्नेछ। यात्रा सहज रहने देखिन्छ। धार्मिक कार्यमा सरिक हुने साता रहेको छ। पारिवारिक उन्नति, प्रगति मध्यम देखिन्छ। सवारी साधनमा धेरै विचार पुऱ्याउनुपर्नेछ। छात्रछात्राहरूका लागि साता उत्कृष्ट रहने देखिन्छ।
वृष
मान, सम्मान, इज्जत, प्रतिष्ठा बढ्नेछ। पारिवारिक उन्नति, प्रगति मध्यम देखिएको छ। राजनीतिक र सामाजिक क्षेत्रमा भने उन्नति, प्रगति हुनेछ। अकस्मात् यात्राका योगहरू बन्नेछन्। व्यापार, व्यवसायमा मध्यम लाभ छ। कृषि क्षेत्र सामान्य देखिन्छ।
मिथुन
मान, सम्मान, इज्जत, प्रतिष्ठा बढ्ला। नयाँ कार्यको थालनी हुनेछ। यात्रामा निकै राम्रो उपलब्धिमूलक कार्यहरू बन्नेछन्। दाम्पत्य र पारिवारिक जीवनमा सुख, शान्ति ,समृद्धि बढ्नेछ। व्यापार, व्यवसायमा राम्रो देखिएको छ। आध्यात्मिक र धार्मिक कार्यले उन्नति, प्रगति हुने देखिन्छ। छात्रछात्राहरूका लागि साता माध्यम छ। बैंकिङ एवं वित्तीय संस्थामा काम गर्नेहरूले लागि यो साता केही अप्ठ्यारा पक्षको सामना गर्नुपर्ने देखिन्छ।
कर्कट
इज्जत, प्रतिष्ठा बढ्ने देखिन्छ। व्यापार, व्यवसायमा मध्यम लाभ छ। स्वास्थ्यमा केही समस्या देखापर्ला। छात्रछात्राहरूका लागि साता मध्यम देखिएको छ। जागिरेहरूका लागि भने साता सामान्य रहनेछ। यो साता धार्मिक कार्यमा केही समय बित्ने देखिन्छ।
सिंह
साता निकै उपयोगी बन्ने देखिन्छ। रोकिएका कामहरू बन्नेछन्। मान, सम्मान, इज्जत, प्रतिष्ठा बढ्ने देखिन्छ। खेलाडीहरूका लागि साता राम्रो छ। साहित्य, सङ्गीत, कलाका सर्जकहरूका लागि भने साता मध्यम रहेको छ। राजनीतिक उथलपुथल र समस्यामा घेरिन सक्नुहुनेछ। झुटो आरोप, प्रत्यारोप लाग्न सक्नेछ। यात्रा मध्यम रहने देखिन्छ।
कन्या
साता उत्कृष्ट हुने देखिन्छ। रोकिएको काम बन्ला। जागिरेहरूका लागि साता मध्यम रहनेछ। आर्थिक उपार्जन र उन्नति, प्रगतिको राम्रो वातावरण बन्नेछ। दाजुभाइ एवं परिवारका सदस्यहरूमा भने सामान्य मनमुटावको स्थिति रहला। कृषि क्षेत्रमा लाभ छ।
तुला
दाजुभाइ, परिवार र कुलकुटुम्बसँगको सम्बन्ध र सहकार्य राम्रो देखिएको छ। आर्थिक उपार्जन र उन्नति हुनुका साथै गर्न खोजेको काममा निकै राम्रो साथ मिल्नेछ। जागिरेहरूका लागि साता मध्यम रहेको छ। धार्मिक र आध्यात्मिक चिन्तनले गर्दा मान, सम्मान, इज्जत, प्रतिष्ठा बढ्नेछ। नयाँ कार्यको थालनीको योग बन्नेछ।
वृश्चिक
पारिवारिक उन्नति, प्रगतिका ग्रहहरू राम्रै देखिएको छ। सन्तानबाट सुख, शान्ति, समृद्धि प्राप्त हुनेछ। पारिवारिक एवं दाम्पत्य जीवनमा भने केही कष्ट रहला। जागिरेहरूका लागि साता सामान्य रहेको छ। राजनीतिक र सामाजिक क्षेत्रमा मान, सम्मान, इज्जत, प्रतिष्ठा बढ्ला। व्यापार, व्यवसायमा लाभको साता रहेको छ। अकस्मात् देशविदेशको यात्राको योग बन्न सक्ने देखिन्छ।
धनु
मनमा उत्साह र उमङ्ग छाउनेछ। पारिवारिक सुख, शान्ति, समृद्धि मध्यम रहला। परिवारको सहयोग प्राप्त हुन सक्नेछ। कुलकुटुम्ब र इष्टमित्रसँग केही अप्ठ्यारा पक्ष रहलान्। यात्रा सुखद हुन सक्ने देखिन्छ। आध्यात्मिक र धार्मिक कार्यले गर्दा मान, सम्मान, इज्जत, प्रतिष्ठा बढ्ने देखिन्छ। राजनीतिक क्षेत्र मध्यम देखिन्छ। केही डुबेको पैसा फिर्ता आउन सक्नेछ। साताका बुधबार, बिहीबार र शुक्रबार नयाँ कार्य सम्पन्न हुने देखिन्छ।
मकर
व्यापार, व्यवसायमा निकै राम्रो हुनेछ। धार्मिक कार्यमा सरिक हुने साता छ। राजनीतिक र सामाजिक क्षेत्र भने मध्यम देखिन्छ। अकस्मात् यात्राको योग बन्न सक्नेछ। पारिवारिक सुख, शान्ति, समृद्धि बढ्नेछ। कृषि क्षेत्रमा लाभ छ। आर्थिक उपार्जन र उन्नति, प्रगतिको साता बन्नेछ। ठूलाबडा व्यक्तिसँग भेटघाटको योग बन्नेछ।
कुम्भ
मान, सम्मान, इज्जत, प्रतिष्ठा बढ्नेछ। दाम्पत्य र पारिवारिक जीवनमा सुख, शान्ति, समृद्धि रहनेछ। परिवारमा प्रेम र सद्भाव निकै राम्रो रहने देखिन्छ। कुलकुटुम्ब र इष्टमित्रबाट सहयोग प्राप्त होला। यात्रामा विचार पुऱ्याउनुपर्नेछ। कृषि क्षेत्रमा लाभ छ। छात्रछात्राहरूका लागि समय राम्रो छ। खेलाडीहरूका लागि साता उत्कृष्ट रहेको छ।
मीन
मान, सम्मान, इज्जत, प्रतिष्ठा बढ्नेछ। पारिवारिक र दाम्पत्य जीवन सुख, शान्ति र समृद्धिमा बित्नेछ। आर्थिक उपार्जन र उन्नति, प्रगति राम्रो देखिएको छ। खानपिनमा विचार पुऱ्याउनुपर्ला। स्वास्थ्यमा केही समस्या रहला। धार्मिक कार्यमा सरिक हुने साता रहेको छ। विद्या, बुद्धि बढ्ने देखिन्छ। केही झुटा आरोप, प्रत्यारोप लाग्न सक्नेछन्।
हरेक पाँच वर्षमा मनाइने गढीमाई मेलामा श्रद्धालुहरूले चढाईएको नगद तथा जिन्सी तथा नगद रकम यकिनगर्न समितिले गन्ती शुरु गरेको छ ।
विश्व प्रसिद गढीमाई मेलामा, मेला भर्न आएका श्रद्धालु भक्तजनले नगद, सुन, चाँदी लगायतको सरसमान चढाएकोमा मेला सम्पन्न भएपछि गढीमाई स्थानमा राखिएको ११ वटा बाकसमा रहेको रकम गन्नेकाम कार्य शुरु गरिएको गढीमाई संचालक तथा विकास समितिको अध्यक्ष रामचन्द्र साह तेलीले बताउनुभयो ।
मेला अवधिमा श्रद्धालुहरुको भीडलाई विचार गरी मंसिर ११ गतेदेखि २५ गतेसम्म गढीमाई स्थानमा राखिएको सो बाकसमा श्रद्धालुले राखेको तथा गढीमाईको मुर्तिमा चढाईएको नगदसँगै गरगहना बाकसमा राखेर मेला भेटी व्यवस्थापन उपसमितिको संयोजक श्रीनारायन महतोको निगरानीमा राखिएको थियो ।
गढीमाईमा चढाइएको आम्दानीको विवरण सार्वजनिक गरी सो आम्दानीबाट पुजारी परिवारलाई ४५ प्रतिशत, भेटी संरक्षण उपसमितिलाई १० प्रतिशत र बाँकी रकम गढीमाई मन्दिर संचालन तथा विकास समितिको खातामा राखिने गढीमाई मेला मुल व्यवस्थापन समितिको महासचिव मोतीलाल कुशवाहाले बताउनुभयो ।
भेटी गणनाको कार्य करिब पाँच दिन लाग्ने तथा सो कार्य नेपाल प्रहरीको निगरानीमा भइ रहेको छ । यसको आम्दानीबाट गढीमाई मंन्दिरको विकास सो रकम खर्च गरिने विकास समितिले जनाएको छ ।
धनुषा बम विष्फोट : प्रहरी इन्सपेक्टर अमीर दाहालको मृत्यु
मंसिर२८,धनुषाको धनुषाको थिरेश्वरना नगरपालिका -५ स्थित औषधि व्यवसायी राजे साहको घरमा बम विस्फोट हुँदा तीनजनाक मृत्यु भएको छ भने दुईजना घाइते भएका छन्।शुक्रबार मध्यराति भएको विस्फोटमा एकजना प्रहरीसहित तीनजनाको मृत्यु भएको जिल्ल प्रहरी कार्यालय धनुषाका जिल्ल प्रहरी कार्यालय धनुषाका प्रहरी निरीक्ष उमाशंकर साहले जानकारी दिएका छन् । उनका अनुसार मृत्यु हुनेमा इलाका प्रहरी कार्याल महेन्द्रनगरका इन्चार्ज प्रहरी निरीक्षक अमि दाहाल, औषधी व्यवसायी राजेश साह र उनक छोरा रहेका छन् ।विस्फोटमा गम्भीर घाइते भएका प्रहर निरीक्षक दाहालको उपचारका क्रमम शनिबार बिहान ६:५० मा मृत्यु भएको प्रहर नायब उपरीक्षक रामेश्वर कार्कीले पुष्टि गरेक छन् । राजेश साहले आफ्नो घरमा बम राखेक थाहा पाएपछि प्रहरी निरीक्षक दाहालला बोलाएका थिए ।विस्फोटमा परि राजेश साहका एक छोरा र ए छोरी घाइते भएका छन् ।बम कसले र किन राख्यो भन्ने विषय पत्ता लाग् सकेको छैन । प्रहरीले अनुसन्धान थालेको जनाइएको छ।
काठमाडाैँ । तेजाब प्रहारबाट घाइते भएकी वीरगंज निवासी मुस्कान खातुनको प्लास्टिक सर्जरी गरिएको छ। तीन महिनादेखि कीर्तिपुर बर्न अस्पतालमा उपचाररत मुस्कानलाई अमेरिकी तथा नेपाली डाक्टरहरुको टोलीले प्लास्टिक सर्जरी गरेको हो ।
via :- Birgunj sanjal
दश बालक उद्धार, दलाल र चोर पक्राउ:
उद्धार मिती: मङ्सिर २६ गते
भारत विहार राज्यको सितामढीबाट मङ्सिर २६ गते १० नेपाली बालकको उद्धार गरेर ल्याएको छ । उद्धार गरिएको बालकमा सात जनालाई बालमजदुरी गराउन दलाल मार्फत पंजार हरियाणा लगायतको ठांउमा तस्करी गर्न लान थालिएको थियो भन्ने तिन बालकलाई विरगंजबाट चोरी गरि भारतमा भिख मगांउने कार्यमा लगाइएको थियो। बाल-मजदुरीमा लान लागेको बालकहरुको उमेर १४ देखि १७ वर्ष रहेका छन् भन्ने चोरी गरिएका बालकहरुको उमेर सात-आठ वर्षको रहेका छन् ।
बालमजदुरी बाट उद्धार: सर्लाही चन्द्रनगर गा.पा. का विवेक माझी, विक्रम माझी, रवि कुमार, संतोष माझी, संदीप माझी , रूपेश माझी र राजु माझी । यिनीहरू लाई एक महिना अगाडी भारतको विभीन्न शहरमा राम्रो तलबमा काम लगाई दिने लोभ दिएर लग्दै गर्दा सोनवरसा सिमामा दलाललाई पक्राउ गरि सातै बालकलाई बालगृह सितामढीमा राखिएका थिए।
यस्तै विरगंजको घण्टाघरबाट चोरेर भारत लगेका सात-आठ वर्ष उमेर भएका तिन बालक क्रमश: लालबन्दि न.पा.२ को बिर्बल पासवान, रामनगर न.पा. ६ को मो.सदरे आलाम नदाफ र बिरगंज घर बताउने किशन पटेल पनि संगै उद्धार गरिएको छ। घण्टाघरमा खेल्दै गर्दा घुमाई दिन्छु भनेर यिनीहरू लाई-ललाई फुस्लाई रक्सौल लगेर चार दिनसम्म भिख मांगन कार्यमा लगाइएको थियो। विरगंजबाट सितामढीको बाटो हुंदै अन्यत्र लान खोज्दा भारतीय प्रहरीले एक पुरुष र दुई महिला चोर समेतलाई पक्राउ गरि तिनै बालकलाई बालगृहमा राखेका थिए।
कानुनी प्रक्रिया पूरा गर्न नै एक महिनाभन्दा बढी लागेको र बल्ल आज उद्धार गरेर दशौं बालकलाई ल्याउन सफल छु । भारतमा कडा कानुन छ, अभिभावकहरु पटकपटक सितामढी पुगे तर बालगृहले बालक जिम्मा दिएनन्। मैले खबर पाएपछि प्रदेश न. २ का आन्तरिक मामिला तथा कानुन मन्त्री र सर्लाही जिल्ला प्रमुखको सिफारिस पत्र सहित कानुनी प्रक्रिया पूरा गरी उद्धार गरेका छु।
यसपालीको उद्धारमा बाल कल्याण समिति सितामढीले दशौँ बालकलाई मलाई सुपुर्द गर्यो, सबैलाई सीतामढीबाट सोनाबर्सा सिमा हुँदै नेपाल ल्याएर सर्लाहीको जिल्ला प्रशासन कार्यालयलाई जिम्मा लगाउन खोजे तर जिल्ला प्रशासनले जिम्मा लिन नमाने पछि प्रशासकीय अधिकृत, चन्द्रनगर गाउँपालिका २ को वार्ड अध्यक्ष रामनारायण महतो र ६ को वार्ड अध्यक्ष रामचन्द्र कापड तथा स्थानीय संचारकर्मी लगायतको रोहबरमा तत्कालै आठ बालकलाई अभिभावकको जिम्मा लगाइयो । दुई बालक सदरे आलम र किशन पटेलको अभिभावक आउँ नसकेको हुनाले उनीहरुलाई तत्काल मलंगवा स्थित महिला शान्ति सेवा केन्द्रमा राखें ।
कागजी प्रकृयाको बेला जिल्ला प्रशासनले प्रसंसनिय सहयोग गरेका थिए, अबेर सम्म कर्मचरी खटेर कागजात बनाएका थिए तर बालक उद्धार गरेर ल्याए पछि जिम्मा लिन मानेन्न, बडो दुखको कुरा हो । हाम्रो सरकारी निकाय प्रमाणीकरण र रोहबरमा बस्ने कार्यमा मात्र सिमित बस्नु भएन अझ जिम्मेवार हुनु पर्यो । साथै बालबालिकाको विषयमा हरेक प्रदेश सरकारले सबैभन्दा पहिले बालबालिकाको अधिकार, विकास र संरक्षण सम्बन्धित कानुन बनाओस् र यताशीध्र प्रदेश बाल कल्याण बोर्ड गठन गरोस् ।
काठमाडौँ – काठमाडौँमा बिहिबार साँझ भूकम्पको धक्का महशुस गरिएको छ। बिहिबार साँझ ७ बजेर १२ मिनेट जाँदा भूकम्पको धक्का महशुस गरिएको हो। भूकम्पको विष्तृत जानकारी भने प्राप्त हुन बाँकि छ।
वीरगञ्जबाट सशस्त्र प्रहरीले ११ किलो चरेस बरामद गरेको छ । मोटरसाइकलको सिटमुनि लुकाएर भारत तर्फ लग्दै गरेको अवस्थामा उक्त चरेस सशस्त्र प्रहरीले विहिवार बरामद गरेको हो ।
जगरनाथपुर गाउँपालिका १ स्थित ओरिया खोला क्षेत्रमा गस्तीमा रहेको सशस्त्र प्रहरी बिओपी भिखमपुरको टोलीले चरेश बरामद गरेको सशस्त्र प्रहरी बल सीमा सुरक्षा कार्यालय वीरगंजका प्रमुख प्रहरी उपरीक्षक दीपेन्द्र कुवरले जानकारी दिए ।
सशस्त्र प्रहरी निरीक्षक निरञ्जन नायडु नेतृत्वको गस्ती टोलीलाई देखेर भारतीय नम्बर बीआर २२ जेड ३१२९ नम्बरको मोटरसाइकल छोडेर अज्ञात व्यक्ति भागेका थिए । पछि चेकजाँचका क्रममा मोटरसाइकलको सिटमुनी चरेश भेटिएको थियो । ‘पहिला त हामीले चोरीको मोटरसाइकल ठानेर बरामद गरेका थियौं ।’ प्रहरी उपरीक्षक कुँवरले भने, ‘चेकजाँच गर्दा मोटरसाइकलको सिटमुनि चरेश प्याकिङ गरी लुकाएर राखिएको रहेछ ।’
चरेशसहित मोटरसाइकल आवश्यक कारबाहीका लागि नेपाल प्रहरीको जिम्मा लगाउने तयारी भइरहेको सशस्त्र प्रहरीले जनाएको छ ।
तस्बिर: नारायण महर्जन/सेतोपाटी
सागमा पौडीतर्फ ४ स्वर्ण जितेकी कीर्तिमानी खेलाडी गौरिका सिंहलाई उल्लेख गर्दै उनले आफू पनि पौडीबाज भएको बताए।
‘म गौरिकालाई बताउन चाहन्छु- म पनि एउटा स्विमर हो। म पनि ठूल्ठूला बगेका खोलाहरू पुल, डुंगाबाट होइन खोलाबाटै तरिदिन्थें,’ प्रधानमन्त्री ओलीले भने,‘हाम्रो समयमा स्विमिङ पुल चाहिँदैनथ्यो। खोलासँग राम्रो जानपहिचान भइसक्याथ्यो त्यसकारण बगाउँदैनथ्यो। धेरैपल्ट म बग्दाबग्दै बगाउनबाट जोगिएको छु किनभने पौडी खेल्न जानेको र सिकेको हुनाले।’
प्रधानमन्त्री ओलीले आफू पनि खेलाडी भएको उल्लेख गरे।
Vai :-Setopati
काठमाडौँ – गायक रुद्रमणि गुरुङको निधन भएको छ । ८४ वर्षका गुरुङको सोमबार सिलिगुडीस्थित नर्थ बंगाल नसिङ्ग होममा उपचारको क्रममा निधन भएको हो । लामो समय दार्जीलिङ्गमा चिया खेतीमा सक्रिय रहेका गुरुङले अरुणा लामासँग गाएको गीत ‘एक कान्छा मलाई सुनको तारा खसाइ देउ न’ अति लोकप्रिय छ । अम्बर गुरुङको रचना तथा संगीतमा रहेको सोही गीत गाएर उनी नेपाली संगीताकाशमा अजर–अमर बनेका हुन् ।
नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
@2024 – All Right Reserved. Designed and Developed by Ads Bee Media Pvt. Ltd.
