बारा : १४ वर्षीय बालिकाको बलात्कार गर्ने साजिद अन्सारी पक्राउ ।

वीरगञ्ज । बारामा १४ वर्षीय बालिकालाई बलात्कार गरेको आरोपमा एक जनालाई प्रहरीले पक्राउ गरेको छ ।

बलात्कार गरेको आरोपमा जिल्ला प्रहरी कार्यालय बाराले प्रसौनी गाउँपालिका – ४ खुटवा निवासी २६ वर्षीय साजिद अन्सारीलाई नियन्त्रणमा लिएको हो ।

कात्तिक १९ गते आरोपितले बलात्कार गरेको भन्दै पीडित पक्षले मङ्सिर १७ गते जिल्ला प्रहरी कार्यालय बारामा दिएको उजुरीको आधारमा अन्सारीलाई नियन्त्रणमा लिइएको बारा प्रहरीका प्रवक्ता एवम् प्रहरी नायव उपरीक्षक (डिएसपी) दधिराम न्यौपानेले जानकारी दिए ।