अवैध हातहियार सहित २ जना मानिसहरु नियन्त्रणमा ।

मिति २०८०।०४।१३ गते अं. १६:०० बजे जिल्ला सिरहा सुखिपुर नगरपालिका वडा नं. ४ गोडिअर्वा स्थितमा प्रहरी चौकी सिलौर्वापछवारी सिरहाबाट प्र.स.नि. हनुमान मण्डलको कमाण्डमा खटीएको टोलीले BR32AM 3778 नं. को निलो रंगको अपाचे मोटरसाईकल लाई शंका लागि चेकजाँच गर्दा सोही मोटरसाईकलको सिटमुनी लुकाई छिपाई राखेको अवस्थामा होममेड सेमीअटोमेटिक पेस्तोल थान- १ र सोही पेस्तोलमा लाग्ने ५ राउण्ड गोली सहित मोटरसाईकल चालक जिल्ला सिरहा औरही गाउँपालिका वडा नं. २ बननिया बस्ने अं. बर्ष २४ को कम्रुदिन राइन र मोटरसाईककल पछाडी सवार ऐ.ऐ. बस्ने अं. बर्ष १८ को चन्दन कुमार सदाय समेत लाई नियन्त्रणमा लिई जिल्ला प्रहरी कार्यालय सिरहाबाट थप अनुसन्धान कार्य भई रहेको।