भोलिदेखि उपत्यकाभित्र गाडी नचलाउने यातायात मजदुरहरूको घोषणा

यातायात क्षेत्रका मजदुरहरूले भोलि (मंगलबार)देखि काठमाडौं उपत्यकाभित्र सार्वजनिक यातायात नचलाउने घोषणा गरेका छन् । सोमबार एक विज्ञप्ति जारी गर्दै उनीहरूले उपत्यकामा गाडी नचलाउने घोषणा गरेका हुन् ।
नेपाल यातायात स्वतन्त्र मजदुर संगठन, नेपाल यातायात मजदुर संघ र अखिल नेपाल यातायात मजदुर संघले संयुक्त रूपमा विज्ञप्ति जारी गरेर नयाँ बसपार्कको ठेकेदार लोत्से कम्पनीले गुण्डागर्दी गरेरे आफूहरूमाथि आक्रमण गरेको बताएका छन् ।