वीरगञ्ज १४ श्रावन । वीरगञ्जमा थप एक कोरोना सङ्क्रमितको मृत्यु भएको छ । गण्डक कोभिड अस्थायी अस्पतालमा उपचाररत एक पुरुषको कोरोना सङ्क्रमणबाट मृत्यु भएको हो ।
पछिल्लो ६ दिनदेखि गण्डक अस्पतालको आइसोलेसनमा उपचार गराइरहेका ६८ वर्षीय पुरुषको बुधबार उपचारको क्रममा बिहान पौने ११ बजे तिर मृत्यु भएको अस्पतालका नारायणी अस्पतालका मेडिकल सुपरिटेन्डेन्ट डा. मदनकुमार उपाध्यायले बताए ।
source :- Narayani COVID-19 hospital
वीरगन्ज । वीरगन्जको नेशनल मेडिकल अस्पतालमा उपचारका क्रममा जेठ ४ गते मृत्यु भइ अन्त्येष्टि समेत भइसकेका ७० वर्षीय वृद्धमा कोरोना संक्रमण रहेको पुष्टि भएपछि अस्पतालमाथि कारबाही गरिने भएको छ। अस्पतालले सरकारको निर्देशिका विपरित स्वाब परीक्षणमा शंकास्पद रिपोर्ट देखिएका बिरामीको मृत्यु भएपछि रिपोर्टलाई गुपचुप राखी शव परिवारको जिम्मा लगाएको थियो ।
यस घटनामाथि छानबिन भइरहेको र गृह मन्त्रालय मार्फत स्वास्थ्य तथा जनसंख्या मन्त्रालयलाई कारबाहीका लागि आग्रह गरिएको जिल्ला प्रशासन कार्यालय पर्साले जनाएको छ। शंकास्पद बिरामीको पीसीआर रिपोर्ट नआउदै हतार–हतारमा शव अन्त्येष्टिका लागि परिवारलाई दिइ चरम चरम लापरवाही गरेको र संक्रमितको विवरण लुकाइएको ७ दिनसम्म लुकाइएको विषयमा छानबनि गरी कारबाही गरिने जिल्ला प्रशासन कार्यालयले जानकारी दिएको छ।
मृतक वृद्धमा कोरोना संक्रमण रहेको सोमबार पुष्टि भएपछि ३ बजेदेखि अस्पतालको आईसीयू कक्ष सिल गरिएको छ। उपचारमा संलग्न मेडिकल कलेजका चिकित्सक, नर्स र स्वास्थ्यकर्मीलाई क्वारेन्टाइनमा राखी पीसीआर जाँचको तयारी गरिएको छ।
मृतकको सम्पर्कमा आएकाहरुको कन्टयाक्ट ट्रेसीङ पनि सुरु गरिएको छ।
via :- healthpati
विरगञ्ज २५ बैशाख । बुधबार विरगञ्जमा एकै परिवारका १७ जनामा कोरोना संक्रमण देखिएपछि सो महानगरमा त्रास फैलिएको छ । महानगरका मेयर विजयकुमार सरावगीले विरगञ्ज कोरोनाको केन्द्रविन्दु बन्ने भयो भन्दै चिन्ता व्यक्त गरेको छन् ।
केन्द्र र प्रदेश सरकारले तत्कालै सो क्षेत्रका ५ हजार जनामा संक्रमणको परिक्षण नगरे ठूलो महामारीको अबस्था आउने समेत उनले चेतावनी दिएका छन् । उनले भने, ‘यदि एक दुईदिनभित्रै ५देखि १० हजार जनाको कोरोना संक्रमण परिक्षण गर्न सकिएन भने भयाभ स्थिति आउने निश्चित छ । केन्द्र सरकारले यो कुरालाई गम्भिरता पूर्वक लिन पर्छ ।’
संक्रमणमा परेका व्यक्तिमध्ये संशुद्धिन मियाँ महानगरले सञ्चालन गरेको राहत वितरण कार्यमा सक्रिय थिए । उनी यसबीच १२ सयभन्दा बढी व्यक्तिको प्रत्यक्ष सम्पर्कमा आएका हुनाले संक्रमण विष्फोटक अबस्थमा पुगेको अनुमान गरिएको हो । मेयर सरावगीको चिन्ता अबका दिनमा यसैगरि ठूलो संख्यामा एकै दिन संक्रमितहरु फेला पर्ने सम्भावनका कारण बढेको हो । संक्रमित व्यक्तिहरुको सम्पर्क सम्बन्ध(कन्ट्रयाक्ट ट्रेसिङ)को अध्ययन समेत अब जटिल बनेको उनको निष्कर्ष छ ।
उनको चित्त दुखाई विरगञ्ज कोरोनाको चपेटामा पर्दै छ भन्ने पूर्वाभास गरेर प्रदेश र केन्द्र सरकारलाई झकझक्याउदा समेत ती सरकारहरुले उदाशिनता देखाएकोमा केन्द्रीत छ । आफूले चाहेर पनि केहि गर्न सक्ने अबस्था नरहेकोमा उनी निरिह बनेका छन् । उनी भन्छन् , ‘हामीले सक्ने काम भनेको नै क्वारेनटाइन निर्माण, राहत वितरण र डिसेन्टिफाइट छर्कने मात्रै हो त्यो गरिरहेका छौं ।’ ५० बेडको कोरोना अस्पताल बनाउने महानगरको प्रस्ताव समेत माथिल्ला सरकारहरुले सुनेको नसुने झै गरेकोमा भने उनी निक्कै आक्रोशित देखिन्छन् ।
सरावगीका अनुसार बुधबार संक्रमण पुष्टि भएका १७ जना यसअघि नै कोरोना संक्रमितका रुपमा पुष्टि भएका शंशोद्धिन मियाका परिवारका सदस्य हुन । जसमा २ महिने शिशुदेखि ६६ वर्षसम्मका वृद्ध छन् । संक्रमितमध्ये १० जना पुरुष र ७ जना महिला छन् ।
मुम्बई : विश्वमा सबैभन्दा बढी हेरिएको टेलिभिजन सो गेम अफ थ्रोनलाई उछिन्दै रामायण सबैभन्दा बढी हेरिएको टेलिभिजन सो बन्न पुगेको छ।विश्वव्यापी रूपमा भइरहेको लकडाउन भारतमा पनि लागू छ। लकडाउनको यो समयमा दूरदर्शनले आफ्नो एकदमै चर्चित सो ‘रामायण’ २८ मार्चदेखि पुनः प्रसारण गरेको हो।
कार्यक्रमको नयाँ रेटिङ गर्दा ‘रामायण’ ले पुरानो सबैभन्दा धेरै हेरिएको टेलिभिजन सोलाई पछाडि पारेको छ। यो भारतको मात्र हैन, पूरै विश्वकै रेकर्ड हो। विश्वमा सबैभन्दा धेरै हेरिएको सो ‘गेम अफ थ्रोन्स’ को अन्तिम संस्करणलाई रामायणले उछिनेर नयाँ रेकर्ड बनाएको हो।
१६ अप्रिलसम्म यो कार्यक्रम ७ करोड ७० लाखभन्दा धेरैले हेरेर विश्वमा नै धेरै हेरिएको टेलिभिजन कार्यक्रम बनेको छ। दूरदर्शनले आफ्नो आधिकारिक ट्विटर ह्यान्डलमार्फत् यो कुराको जानकारी दिएको हो।
‘रामायण’ मा राम र सीताको भूमिकामा क्रमशः अरुण गोभिल र दीपिका चिखाइला छन्। रामानन्द सागरको लेखन र निर्देशनमा रामायण पहिलोपल्ट सन् १९८७ को जनवरी २५ देखि १९८८ जुलाई ३१ सम्म प्रसारण भएको थियो। ७८ भाग रहेको यो टेलि शृंखला वाल्मीकि रामायण र तुलसीदासको रामचरितमानसमा आधारित छ। एजेन्सी
बलिउड अभिनेता इरफान खानको निधन भएको छ।
५४ वर्षीय खानको बुधबार बिहान मुम्बईको कोकिला वेन धिरूभाइ अम्बानी अस्पतालमा निधन भएको हो। उनी दुई वर्षदेखि क्यान्सरको उपचार गरिरहेका थिए। खानलाई न्युरोएन्डोक्राइन ट्युमर भएको थियो।
उनको निधनको समाचार निर्देशक सुजित सरकारले ट्वीटबाट दिएका हुन्।
जयपुर राजस्थानमा सन् १९६६ मा जन्मिएका खान थिएटरबाट सिनेमाबाट आएका थिए। उनको अन्तिम सिनेमा सात महिनाअघि रिलिज भएको अंग्रेजी मिडियम हो।
गत शनिबार उनकी आमाको निधन भएको थियो।
खानले सलाम बम्बे, मक्बुल, पानसिंङ तोमार, द लञ्च बक्स, पिकु, तलबार, हिन्दी मिडियमजस्ता चर्चित सिनेमामा अभिनय गरेका थिए।
बलिउडमात्र होइन खानले स्लमडग मिलिनियर्स, जुरासिक वर्ल्ड, द अमेजिङ स्पाइडर म्यान र लाइफ अफ पाईजस्ता अन्तर्राष्ट्रिय ब्लकबस्टर सिनेमामा काम गरेका थिए।
वीरगञ्ज, बैशाख ६ – पर्साको बहुदरमाई नगरपालिका वडा नं. ९ दुई समुहबीच झडप भएको छ । नगरपालिकाको विश्रामपुर गाउँमा झडपमा परेर केहि व्यक्ति घाइते समेत भएका छन् ।
जिल्ला प्रहरी कार्यालय पर्सा अनुसार २ महिला सहित आधादर्जन व्यक्ति घाइते भएको जनाएको छ । घाइतेहरुको अहिले वीरगञ्जस्थित नेसनल मेडिकल कलेजमा उपचार चलिरहेको स्थानीयहरुले जनाएका छन् !
सामान्य विषयलाई लिएर विवाद हुँदा झडप भएको पर्साकी प्रहरी उपरीक्षक गङ्गा पन्तले बताउनुभयो ।
‘सामान्य विषयलाई लिएर झडप भएको हो,’ हरी उपरिक्षण पन्तले भन्नुभयो, ‘अहिले सम्पूर्ण जानकारी आएको छैन, आधा दर्जन जति घाइते भएका छन् र केहिलाई हामीले पक्राउ समेत गरेका छौं । अवस्था अहिले सामान्य छ, हामि अनुसन्धान गरिरहेका छौं।
via :-Nepalpost daily
उदयपुर — उदयपुरको त्रियुगा नगरपालिका– ३ भुल्केस्थित मस्जिदमा बस्दै आएका १२ भारतीयमा कोरोना संक्रमण पुष्टि भएपछि उनीहरुलाई विराटनगरस्थित प्रादेशिक अस्पतालको आइसोलेसनमा लैजाने तयारी थालिएको छ ।
लकडाउनकै अवधिमा भुल्के मस्जिदमा आएर बसेका ३४, २९, २६, २८, २८, २८, २८, २२, २५, २०, ४० र २९ बर्षका पुरुषमा कोरोना पोजेटिभ देखिएको स्वास्थ्य तथा जनसंख्या मन्त्रालयले जनाएको छ । उनीहरुसँगै रहेका अन्य ४ नेपालीको पनि स्वाबको पिसिआर परीक्षण गरिएको थियो । उनीहरुमा भने पोजिटिभ देखिएको छैन ।
पर्सा जिल्लाको छपकैयाँस्थित मस्जिदमा बसेका तीन भारतीय धर्मगुरुमा संक्रमण देखिएपछि उनीहरुसँग सम्पर्कमा आएकाहरुको कन्ट्याक्ट ट्रेसिङ गरी र्यापिड टेस्ट गरिएको थियो । उनीहरुको स्वाब कोशी अञ्चल अस्पतालमा परीक्षण गरिएको थियो ।
संक्रमण पुष्टि भएपछि अहिले मस्जिद र आसपासका क्षेत्रमा सुरक्षाकर्मी परिचालन गरिएको छ । सुरक्षाकर्मीले मस्जिद र आसपासको क्षेत्रमा हिँडडुलमा रोक लगाएका छन् । यो क्षेत्रलाई सिल गर्ने र संक्रमितलाई कोशी अस्पतालको आइसोलेसनमा राख्ने तयारी भइरहेको प्रमुख जिल्ला अधिकारी दिपककुमार पहाडीले बताए । संक्रमितलाई अस्पताल लैजान एम्बुलेन्स खोजी भइरहेको उदयपुर प्रशासनले जनाएको छ ।
कोरोना पोजेटिभ देखिएका १२ भारतीय विराटनगरबाट सप्तरी हुँदै उदयपुर आएको प्रारम्भिक जानकारी आएको प्रमुख जिल्ला अधिकारी पहाडीले बताए । भारतीयले आफूहरु मोरङबाट राजविराज हुँदै आएको बताएका छन् । उनीहरुले सप्तरीको वोदेबर्साइन नगरपालिका– ५ जाँजरमा फागुन ३ तीनदेखि ५ सम्म भएको धार्मिक सम्मेलनमा सहभागी हुन आएको बताएका छन् । उनीहरुसँगै आएका ४ नेपाली मोरङका हुन् ।
२ वैशाख, वीरगञ्ज । सामाजिक सञ्जाल मार्फत अफवाह फैलाएको आरोपमा प्रहरीले मकवानपुरको हेटौंडाबाट एक पत्रकारलाई पक्राउ गरेको छ ।
हेटौंडा उपमहानगरपालिका वडा नं ४ बस्ने ३० बर्षका रवीन्द्र गौतमलाई इलाका प्रहरी कार्यालय सिमराबाट खटिएको टोलीले मंगलबार हेटौंडाबाट नियन्त्रणमा लिएको हो ।
रवीन्द्रले भ्रामक खबर फैलाएर सामाजिक शान्ति सुव्यवस्थामा खलल पु¥याएको दावी प्रहरीले गरेको छ ।
जितपुर सिमरा उपमहानगरपालिकामा कोरोना भाइरस संक्रमित भेटिएको भन्दै सामाजिक सञ्जालमा पोष्ट गरेर अफवाह फैलाएका कारण नियन्त्रणमा लिएको डीएसपी गोविन्द पुरीले जानकारी दिए ।
उनले सोमबार सामाजिक सञ्जाल फेसबुकमा ‘जितपुरमा १ जना र सिमरामा २ जनामा पनि संक्रमण देखिएको भन्ने कुरा आयो । अझै सतर्कता अपनाउन जरुरी’ भन्ने स्टाटस लेखेका थिए ।
मंगलबार नै गौतमलाई प्रहरीले सार्वजनिक शान्तिविरुद्धको कसुरमा अनुसन्धान गर्न जिल्ला अदालत बारामा पेश गरेको छ । अदालतले १० दिन थुनामा राखेर अनुसन्धान गर्न अनुमति दिएको डीएसपी पुरीले बताए ।
हेटौंडाको सरोवर एफएममा कार्यरत गौतमले बागमती खबर अनलाइन समेत सञ्चालन गर्दै आएका छन् ।
राजविराज — दिल्लीको निजामुद्धिनस्थित तबलिकी जमातमा सहभागी भई घर आएर बसेका ८ मध्ये दुई जनाको आरडीटी परीक्षण रिपोर्ट पोजिटिभ आएको छ ।
गजेन्द्रनारायण सिह अस्पताल राजविराजका मेडिकल सुपरिटेन्डेन्ट डा चुमनलाल दासका अनुसार मंगलबार गरिएको ७ जनाको र्यापिड डाइगनोस्टिक टेस्ट (आरडीटीं) मा दुई जनाको रिपोर्ट पोजिटिभ देखिएको छ। अन्य ५ जनाको रिर्पोट नेगेटिभ आएको डा. दासले जनाए।
रिपोर्ट पोजेटिभ देखिएकामध्ये एकजना तिलाठी कोईलाडी गाउँपालिकाका र अर्का खडग नगरपालिकाका भएको उनले जानकारी दिए। पोजिटिभ देखिएकाहरुलाई गजेन्द्रनारायण सिंह अस्पताल राजविराजको आईसोलेसनमा राखिएको छ भने बाँकी ५ जनालाई खडग नगरपालिकाको क्वारेन्टाइनमा पठाइने डा. दासले जनाए। पोजिटिभ र नेगेटिभ रिपोर्ट आएकाहरुको पीसीआर परीक्षणका लागि स्वाब संकलन गरिएको छ।
गत मार्च ८ र ९ तारिखमा दिल्लीको निजामुद्धिनमा भएको तबलिकी जमातमा सहभागी भई आफ्नै घरमा बसिरहेका ७ जनालाई स्थानीय जनप्रतिनिधि र जिल्लास्थित उच्च संयन्त्रले सूचना पाएपछि घरबाटै परीक्षणका लागि गजेन्द्रनारायण सिंह अस्पताल राजविराज ल्याइएको थियो। १ जनाको अझै खोजी भइरहेको छ।
उनीहरुमध्ये ३ जना सप्तरीको खडग नगरपालिकाका तथा राजविराज नगरपालिका, सुरुङगा नगरपालिका र तिलाठी कोइलाडी, बिष्णुपुर र अग्नीसाइर कृष्णासवरण गाउँपालिकाका १–१ जना रहेका छन्।
यसैबीच सप्तरीको डिमनस्थित मस्जिदमा ११ जना भारतीय भेटिएका छन्। उनीहरु लकडाउनभन्दा केही अघिबाटै उक्त मस्जिदमा बस्दै आएको र सबैजना भारतको इन्दौरका रहेको खुलेको छ।
११ जना भारतीयलाई उक्त मस्जिदमै क्वारेन्टाइन गरिएको सहायक प्रमुख जिल्ला अधिकारी आनन्दकुमार ठाकुरले बताए।
काठमाडौँ — नारायणी अस्पतालको आइसोलेसनमा रहेका कोरोना संक्रमित तीन भारतीय नागरिकले मोबाइल नम्बर उपलब्ध नगराएपछि उनीहरूको ‘कन्ट्रयाक्ट ट्रेसिङ’ गर्न समस्या भएको छ ।
नेपाली सेना र नेपाल प्रहरीको टोली संक्रमित तीनै जनाको यात्रा इतिहास (ट्राभल हिस्ट्री) खोज्न कन्ट्रयाक्ट ट्रेसिङमा जुटेका थिए । तर उनीहरूले सुरक्षाकर्मीलाई आफूहरूले मोबाइल नै प्रयोग नगर्ने बताएपछि ट्राभल हिस्ट्री यकिन गर्न समस्या भएको एक सुरक्षा अधिकारीले कान्तिपुरलाई बताए ।
‘हामीले मोबाइल नम्बर उपलब्ध गराउनुस् भन्दा हामी मोबाइल नै बोक्दैनौं भनेर पन्छिएका छन्,’ ट्राभल हिस्ट्री खोजिरहेका ती प्रहरी अधिकारीले भने, ‘नेपाली, न भारतीय दूरसञ्चार कम्पनीका मोबाइल नम्बर, कुनै पनि दिएका छैनन् ।’
प्रहरीका अनुसार १४ जनाको समूहमा नेपाल छिरेका उनीहरू सुनसरीको दुहबी, सदरमुकाम इनरुवा हुँदै सप्तरीको बोदेबरसाइन नगरपालिका–५, जाजरमा फागुन ३ मा भएको मुस्लिम सम्मेलनमा सहभागी भएका थिए । दुहबी र इनरुवामा करिब डेढ महिना बसेपछि जाजर पुगेका उनीहरू त्यसपछि रौतहट हुँदै पर्सा गएका थिए । वीरगन्जको मस्जिदमा चैत १३ मा पुगेका उनीहरू त्यसअघि पर्साकै अन्य तीनवटा मस्जिदमा बसेका थिए । तर यसबारे उनीहरूले यकिन विवरण अझै उपलब्ध गराएका छैनन् ।
उनीहरूको रासन कार्ड भने प्रहरीले फेला पारेको छ । त्यसकै आधारमा उनीहरू कुन–कुन ठाउँ गए भन्नेबारे भारत सरकारसँग समन्वय गरेर विवरण संकलन गर्नुपर्ने निष्कर्षमा पर्साका सुरक्षाकर्मी पुगेका छन् । यसबारे प्रदेश प्रहरी हुँदै प्रहरी प्रधान कार्यालयलाई समेत जानकारी गराइसकिएको स्रोतले बतायो ।
मस्जिदकै १० जनालाई क्वारेन्टाइन पठाइयो
संक्रमित तीन जना बसेकै मस्जिदमा ओहोरदोहोर गर्ने १० जना नेपालीलाई सोमबार सुरक्षाकर्मी र स्वास्थ्यकर्मीको टोलीले नियन्त्रणमा लिएर क्वारेन्टाइनमा पठाएको छ । पर्सा प्रहरीका डीएसपी वीरेन्द्र शाहीले उनीहरूलाई नियन्त्रणमा लिएर क्वारेन्टाइनमा पठाइएको पुष्टि गरे ।
source :-Ekantipur
नेपाली भाषाको यो पोर्टलले समाचार, विचार, मनोरञ्जन, खेल, विश्व, सुचना प्रविधि, भिडियो तथा जीवनका विभिन्न आयामका समाचार र विश्लेषणलाई यसले समेट्छ।
@2024 – All Right Reserved. Designed and Developed by Ads Bee Media Pvt. Ltd.
