pilot

वीरगंज । हरि खेतान बहुमुखी क्याम्पस वीरगंजका प्रमुख डा. भगवान यादवले क्याम्पस प्रमुखको जिम्मेवारीबाट आफू मुक्त नभएको बताएका छन् ।

क्याम्पसमै आइतवार पत्रकार सम्मेलनको आयोजना गरेर उनले आफूलाई अवकाश दिइएको कुरा अवैधानिक र अपमानपूर्ण रहेको भन्दै त्यसलाई आफूले नमान्ने वताएका हुन् ।

आइतबार मात्र बसेकाे क्याम्पस संचालक समितिकाे बैठकले क्याम्पस प्रमुख डा. भगवान प्रसाद यादवलाई अनिवार्य अवकाश दिने निर्णय गरेकाे थियाे ।

क्याम्पस सञ्चालक समितिका अध्यक्ष प्रेम प्रकाश (पी.पी) खेतानले डा. यादवलाई उमेर हदको कारण देखाउँदै अनिवार्य अवकाश दिएका सुचना जारी गरेका थिए । उनकाे ठाउ‍ँमा निमित क्याम्पस प्रमुखकाे जिम्मेवारी किशाेरी रायलाई दिइएकाे जानकारी समेत गराएका थिए ।

साे लगतै आइतबार नै क्याम्पस प्रमुखकाे जिम्मेवारी समेत रायले समाहलेका थिए । तर त्यसकाे भाेली पल्ट नै साेमबार क्याम्पस प्रमुखबाट हटाइएका डा. यादवले पत्रकार सम्मेलन गर्दै आफु नै क्याम्पस प्रमुख रहेकाे दाबी गरेका हुन् ।

करिब ४ दशकदेखि क्याम्पस प्रमुख रहेका डा. यादवले क्याम्पसलाई विधि विधान विपरीत सञ्चालन गरेको आरोप लाग्दै आएको छ ।

पत्रकार सम्मेलनमा डा. यादबले आफुलाई फर्जी तरिकाले हटाएको भन्दै सामुदायिक क्याम्पसलाई व्यापारीको बपौती बनाउन खाेजिएकाे आराेप समेत लगाए ।

उनले २०७८ साल मै बिघटन भएको समितिलाई आफुलाई हटाउने अधिकार नभएको भन्दै आफु अहिले पनि क्याम्पस प्रमुखको हैसियतले पत्रकार सम्मेलन गरेकाे वताए ।

यहाँको नागरिक समाजले चाहे सम्म आफु यहाँ रहने नचाहे आफु एक मिनट पनि नबस्ने भन्दै सामुदायीक क्याम्पसलाई व्यापारीहरुको बपौती वन्न कुनैपनि हालतमा नदिने उनले वताए ।

वीरगंज । प्रहरीले वीरगंज महानगरपालिकाकाे वडा नं.१६ नगवा फुलवारी टोलस्थित शेख सदामकाे घरमा छपामारी गरि लागु औषध गाँजासहित उनलाई पक्राउ गरेकाे छ ।

सदामले आफ्नै घरमा अवैध लागु औषध गाँजा विक्री वितरण गरिरहेको सूचनाको आधारमा जिल्ला प्रहरी कार्यालय पर्सा र लागु औषध नियन्त्रण व्यूरो पर्साबाट खटिएको संयुक्त प्रहरी टोलीले मंगलबार दिउसाे १ बजे छापामारी उनलाई नियन्त्रणमा लिएकाे हाे ।

सदामकाे घरमा खाटमुनी कालो रंगको प्लाष्टिकको डिब्बाभित्र लुकाइ छिपाई राखिएको लागु औषध गाँजा ६ के.जी.५०० ग्राम र उक्त गाँजा तौल गर्ने डिजिटल तराजू २ थान फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक (डिएसपी) कुमार बिक्रम थापाले वताए ।

उक्त लागु औषध सहित निजलाई नियन्त्रणमा लिई जिल्ला प्रहरी कार्यालयमा ल्याइ लागु औषध सम्बन्धी कसूरमा थप अनुसन्धान कार्य भइरहेकाे डिएसपी थापाले जानकारी दिए ।

वीरगंज, २६ मंसिर
सहकर्मीहरुमाथि उपप्रमुख सहित उनको सचिवालयको टोलीले गरेको अभद्र व्यवहारको विरोध गर्दै वीरगंज महानगरपालिकाका कर्मचारीहरु आन्दोलित भएका छन् ।
स्थानीय तह कर्मचारी संघ वीरगंज महानगर इकाई समितिले मंगलबार महानगर प्रमुख राजेशमान सिंहलाई ज्ञापन पत्र बुझाउँदै भोलीदेखि कालोपट्टी बाँधेर विरोधको कार्यक्रम सुरु गर्ने जानकारी दिएका हुन् ।
समितिले महानगरमा विभिन्न महाशाखा शाखाहरुमध्ये स्वास्थ्य तथा सामाजिक विकास महाशाखा अन्तर्गतको सामाजिक सुरक्षा तथा पञ्जीकरण शाखालाई व्यवस्थित गर्न लाग्दा प्रमुख प्रशासकीय अधिकृतमाथि नै कार्यपालिका सदस्य समेत रहेका कन्हैया ठाकुरले गालिगलौज गर्दै अभद्र व्यवहार गरेको प्रति खेद व्यक्त गर्दै आन्दोलन गर्न बाध्य भएको जनाएको छ ।
नेपाली कांग्रेसबाट कार्यपालिका सदस्यमा निर्वाचित भएका ठाकुर उपप्रमुख इम्तियाज आलम निकट व्यक्ति हुन् ।
यस्तै पंजिकरण शाखा व्यवस्थित गराउन लागेका कर्मचारीहरु अमृता शास र रनु दासलाई पनि उपप्रमुख आलमको स्वकीय सचिव रहेका शेष हजराले अश्लील गाली गलौज गर्दै अभद्र व्यवहार गरेको प्रति पनि इकास समितिको गम्भीर ध्यानाकर्षण भएको जनाएको छ ।
उपप्रमुखकै सचिवालयमा कार्यरत कर्मचारी (शिक्षक) रविनन्दन सिंहले समेत कृषि शाखामा कार्यरत कृषि अधिकृत रोशनी यादवलाई पटक पटक डर, धाक धम्की दिँदै गाली गलौज गर्ने गरेको घटना निन्दनीय रहेको पनि इकाइ समितिले जनाएको छ ।
उपप्रमुख र उनको सचिवालयको टोलीले प्रमुख प्रशासकीय अधिकृत सहित कर्मचारीहरुलाई अभद्र व्यवहार गर्ने गरेकाले आफूहरु बाध्य भएर आन्दोलित हुनु परेको इकाई समितिका अध्यक्ष मुकेश गुप्ताले बताउनुभयो ।
उपप्रमुख तथा उनको सचिवालय सदस्यहरुको कार्यशैलीको विरोधमा बुधबार र बिहीबार २ दिन हातमा कालो पट्टी बाँधेर काम गर्ने र त्यस पछि पनि समस्याको निकास ननिस्किए चरणबद्ध आन्दोलनका कार्यक्रम सार्वजनिक गर्ने अध्यक्ष गुप्ताले बताउनुभयो ।
महानगरका सम्पूर्ण कर्मचारीहरुको मान मर्दन तथा असुरक्षित भएको महसुस हुन आएकाले बाध्य भएर विरोधमा उत्रनु परेको भन्दै गुप्ताले यसलाई तत्काल निकास दिन पनि उहाँले प्रमुखअ सिंहसँग आग्रह गर्नुभयो ।
महानगर प्रमुखलाई ज्ञापन पत्र बुझाउन इकाई समितिका अध्यक्ष गुप्ता सहित उपाध्यक्ष सुधिर जंग राण, सचिव पवन प्रधान, सहसचिव मन्जित यादव, सुभद्रा बन्जरा लगायतको टोली पुगेको थियो ।
यस अघि मंगलबार (आज) बिहान पंजिकरण शाखा व्यवस्थित गर्ने विषयमा उपप्रमुख सहित उनको सचिवालयको टोली र वडाअध्यक्षहरु बीच विवाद हुन पुगेको थियो । विवादलाई उग्र हुन नदिन जिल्ला प्रहरीको टोली दिन भर महानगरमा तैनाथ भएको थियो ।

वीरगंज, २६ मंसिर
वीरगंज महानगरपालिकाका उपप्रमुख इम्तियाज आलमको गैरजिम्मेवारिका कारण सेवाग्राहीले मर्का खेप्नु परेको छ ।
कार्यालय संचालनको विषयलाई लिएर उपप्रमुख आलमले देखाएको गैरजिम्मेवार प्रवृत्तिका कारण बृद्धबृद्धा तथा पंजिकरणको काम लिएर आएका सेवाग्राहीले सास्ति भोग्नु परेको हो ।
कार्यालयका प्रमुख प्रशासकीय अधिकृत बस्ने गरेको कार्यकक्ष सारेसँगै पहिले रहेको कार्यकक्षमा पंजिकरण शाखा सार्ने विषयमा उपप्रमुखले अवरोध गरेपछि सेवाग्राहीले सास्ति भोग्न परेको वडा नं. १७ का वडाध्यक्ष संजिव बहादुर क्षेत्रीले बताउनुभयो ।
पहिले प्रमुख प्रशासकीय अधिकृत बस्ने गरेको कार्यालयलाई पंजिकरण शाखामा रुपान्तरण गर्न वडाअध्यक्षहरुले नै पहल गर्दा उपप्रमुख सहित उनको सचिवालयका समर्थकले अवरोध गर्दै सेवा प्रवाहमा रोक लगाउन खोजेपछि विवाद भएको थियो ।
महानगरका अधिकांस वडाका वडाध्यक्षले पंजिकरण शाखाका लागि उक्त कार्यालय सहज हुने निर्णय गर्दै बिहान आफ्नै उपस्थितिमा पंजिकरणको काम गराउन लाग्दा उपमेयरसहित उनको सचिवालयले अवरोध गरेपछि केही बेर तनाब उत्पन्न हुन पुगेको हो ।
कार्यालयको प्रशासनिक र आर्थिक अधिकार प्रमुख प्रशासकीय अधिकृतको रहनेभएकाले आफूले वीरगंजवासिकै सहजताका लागि साँघुरो कोठामा रहेको पंजिकरण शाखालाई फराकिलो र सेवामैत्री बनाउन उक्त कोठामा लैजान लागेको प्रमुख प्रशासकीय अधिकृत मातृका भट्टराईले बताउनुभयो ।
वडा नं. २६ का वडाध्यक्ष शम्भु मिश्रले आफ्नो दायरा नबुझ्दा आजको अवस्था आएको भन्दै प्रमुख उपप्रमुख दुबैले आफ्नो दायरा जानकारी लिन आग्रह गर्नुभयो ।
कार्यालयको कुनै शाखा सार्ने विषय कार्यालय प्रमुखको अधिकारमा निहित रहेकाले त्यसलाई सहजिकरण गर्न सहयोग गर्नु पर्नेमा विवाद निकालेर सेवाग्राहीलाई दुख दिने कार्य हुनु अशोभनीय रहेको पनि उहाँले बताउनुभयो ।
यस्तै वडा नं. ७ का वडाध्यक्ष हिराकाजी महर्जनले जनताको सेवा प्रवाह गर्ने कार्यालयमा सामान्य विवासयमा कसैले पनि विवाद गर्न नहुने भन्दै कार्यालय संचालनको विषयमा विवाद गरेर जनतालाई दुख नदिन आग्रह गर्नु भयो ।
पंजिकरण शाखालाई बृद्धबृद्धा तथा अपाङ मैत्री बनाउनु आजको आवश्यकता रहेकाले यसमा उपमेयर बाधक बन्नु निकृष्ट कार्य भएको वडा नं. २५ का वडाध्यक्ष आशुतोष चतुर्वेदीले बताउनुभयो ।
केही बेर भएको विवाद भए पछि प्रहरी परिचालन गरेर अवस्था सामान्य बनाएको थियो ।